Inona ?
Vatsy ara-bola sy tantsoroka avy ami’ny Governemanta malagasy, miaraka amin’ireo mpiray ombon’antoka ara-teknika sy ara-bola.
Ny zara-andraikitra dia manatrika ny fiofanana ny mpisitraka ary mianatra any an-tsekoly ny zaza.
Iza no misitraka ?
Ireo ankohonana voalahatra ho tena marefo indrindra tao anatin’ireo efa nisitraka vatsy ara-bola ao amin’ny kaominina (*) : Antananarivo renivohitra sy ny manodidina, Toamasina renivohitra sy ny manodidina ary Fianarantsoa renivohitra sy ny manodidina.
Ankohonana vita fanamarinana, fanadihadiana isan-tokantrano ary nankatoavina ampahibemaso.
Ohatrinona ?
Lelavola 50.000 ar isam-bolana isaky ny ankohonana, mandritra ny enim-bolana. Izany hoe in-enina mandray 50.000 ar ny ankohonana iray.
Ahoana ny fomba fifantenana ireo ankohonana mpisitraka?
- Misy ny fanadihadiana isan-tokantrano ho fanamarinana ny mombamomba ireo ankohonana izay efa nisitraka vatsy ara-bola.
- Atsangana isaky ny fokontany ny Komity hanao ny fankatoavana ny lisitry ny mpisitraka ampahibemaso ahitana olom-pirenena 20 ka hatramin’ny 25 ka ny 6 amin’ireo dia mpikambana ao amin’ny Komity Mpiahy ny Mpiara-belona.
Voafetra ny vola enti-manana noho izany dia voafetra koa ny isan’ny ankohonana marefo afaka hisitraka.
(*) Fokontany tsy mbola misitraka fanampiana ara-tsosialy hafa
 |